0
"Ang hirap ng lumagpas..."
Yan ang salitang sinabi saken ng lalakeng nakatabi ko sa jeep.
Kakaiba sya, gangster na porma, naka headphone na malaki na mistulang disc jockey, naka jacket kahit mainet at pormang porma talaga. Mayroon syang dalahin, nakalagay sa gitna ng jeep. 1,2,3,4 apat lang kaming pasahero sa jeep.
Maya maya dumating na sa fatima, dun pala sya bababa. Itinabi ng driver sa gilid ang jeep.
"Pakibaba naman kuya" wika ng gangster na bida.
Dali dali kong hinila ang kanyang dala at inabot din naman ng lalaking nakapwesto sa dulo at nakadamit pang nurse ang kanyang dala dala.
Gumapang ang bida upang makababa. Tinukuran ng nakadamet na nurse ang dala dala nya upang di umusog sa kanyang pagbaba. Sa totoo lang di ko alam if dapat bang kunin ko braso nya o hawakan ko sya sa katawan pero mistulang alam na alam nya ang pagbaba sa jeep. Nakahiga sa sahig, face first inabot nya ang dala dala nya at kumapit sa hawakan ng jeep.
"Atras mo kuya" wika nya sa nurse na pasahero din na nagbaba sa gamet nya. Mistulang nagbalanse ang bida at umupo na sa kanyang dala dala.
"Okay ka na?" tanong ng pasaherong nagbaba ng dalahin nya.
"Okay na, salamat" sabi ng bida.
Napabilib ako sa ating bida, walang reklamo sa buhay, nagagawa pang mag pormang gangster at bumisita sa mga hoodies nya kahit na nakawheel chair pa sya.
Kaya tangina, bawal kayo magreklamo ngayon!
